📑👉 O CONCELLO DE VILALBA SOLICITA UNHA SUBVENCIÓN Á XUNTA PARA MELLORAS EN EFICIENCIA ENERXÉTICA, ABASTECEMENTO E A ADQUISICIÓN ...

20/03/2023

📑👉 O CONCELLO DE VILALBA SOLICITA UNHA SUBVENCIÓN Á XUNTA PARA MELLORAS EN EFICIENCIA ENERXÉTICA, ABASTECEMENTO E A ADQUISICIÓN DUN CAMIÓN



✔️ O Concello de Vilalba solicitou unha subvención de 298.403,24 euros á Xunta de Galicia, con cargo ao Fondo Adicional do Fondo de Cooperación Local, para melloras de eficiencia enerxética, a adquisición dun camión con caixa basculante e a renovación da rede de abastecemento da auga no municipio.



✔️ As obras de eficiencia enerxética incluídas na subvención son para o cambio de luminarias no CEIP Manuel Mato Vizoso e no campo anexo A Magdalena. O obxectivo é baixar a potencia consumida, mellorando o grado de iluminación e a eficiencia coa instalación tecnoloxía LED.



✔️ O concello tamén solicita unha achega para a adquisición dun camión con caixa basculante, co obxectivo de dotar ós servizos municipais dun vehículo necesario para as actuacións relacionadas co servizo de mantemento eléctrico da vila.



✔️ Por último, os traballos de modernización e mellora no abastecemento destinaranse se o concello obtén a subvención a cuantificar e minimizar as perdas na rede municipal, tendo un control da auga que sae das captacións para poder detectar problemas o máis rápido posible.