📢 O Concello vén de publicar un bando municipal para recordar á veciñanza a necesidade da limpeza e o mantemento dos solares da ...

23/04/2025

📢 O Concello vén de publicar un bando municipal para recordar á veciñanza a necesidade da limpeza e o mantemento dos solares da zona urbana



🌿 Ante a chegada da tempada estival e debido ao rápido crecemento da vexetación, o goberno municipal recorda o deber de todos os propietarios a proceder á limpeza urxente das parcelas, adoptando as medidas necesarias para evitar o risco de incendios



🚜 A limpeza dos solares deberá facerse dende os límites da beirarrúa para que a vexetación non impida o paso libre e seguro de peóns e terá que efectuarse antes do 30 de xuño de 2025



📑 En caso de incumprimento, o Concello aplicará o réxime sancionador tal e como establece a Ordenanza Municipal de Protección de Medio Ambiente Urbano



➕ Ademais, poderanse efectuar de forma subsidiaria e a costa dos propietarios as operacións de limpeza pertinentes, sen prexuízo das sancións que foran procedentes