✅ O noso Concello vén de recibir a resolución favorable de Augas de Galicia para a concesión de 14.758,13 euros destinados á rea...

25/06/2025

✅ O noso Concello vén de recibir a resolución favorable de Augas de Galicia para a concesión de 14.758,13 euros destinados á realización de auditorías no sistema de abastecemento de auga

📄 Un proceso de análise que permitirá elaborar plans de actuación para minimizar as perdas de auga cos que logo “intentaremos conseguir fondos de Augas de Galicia que nos permitan mellorar o sistema de abastecemento e facer unha nova captación de auga”, explicou a alcaldesa, Marta Rouco



🔙 Nese sentido, o Concello “amosou sempre a urxencia de que a Xunta de Galicia investira no ciclo da auga da nosa vila, posto que as instalacións actuais son insuficientes para asegurar a demanda de subministro do concello, fundamentalmente as do polígono”, lembrou Marta Rouco



➕ O Concello tamén foi seleccionado para participar no desenvolvemento, implantación e posta en marcha dunha rede autonómica de estacións dixitais de monitorización de sistemas de abastecemento de auga potable en alta, é dicir, na fase previa á súa distribución aos fogares



🔝 “Unha selección que demostra que o noso Concello cumpre cos criterios técnicos, económicos e de experiencia necesarios e que supón un recoñecemento á capacidade para traballar en proxectos innovadores” concluíu a rexedora, Marta Rouco



#alcaldia #ciclodaauga #abastecemento #concellodevilalba