ℹ️🗂 O Vicealcalde e responsable de #Urbanismo Modesto Renda anunciou esta mañá a apertura do proceso de adxudicación directa das...

12/04/2024

ℹ️🗂 O Vicealcalde e responsable de #Urbanismo Modesto Renda anunciou esta mañá a apertura do proceso de adxudicación directa das seis parcelas de titularidade municipal adquiridas polo Concello no marco do plan de ampliación de #Entrepinares.



O Goberno Local toma, de novo, a iniciativa e faino logo de que as dúas #poxas quedaran desertas ao non cumpriren os interesados/as coas condicións que se fixaban nas bases reguladoras.



🗣 “O noso obxectivo é dar todas as facilidades ás empresas para que se instalen en #Vilalba e é por isto que decidimos abrir un mes de prazo dende o día seguinte á publicación do anuncio no BOP (foi publicado hoxe polo tanto dende mañá sábado 13) para que os autónomos interesados/as presenten as súas solicitudes, sendo agora as condicións da adxudicación directa exactamente as mesmas que se contemplaban nas bases da última poxa” explicou Renda.



📓💶 PREZOS E SUPERFICIE DAS PARCELAS 👇



As #parcelas suman en conxunto 5.600 m2, sendo a máis grande de 1.315 m2 de superficie catastral e 1.052 m2 de superficie edificable e as dúas máis pequenas de 1076 m2 e 860,80 m2 edificables.



No tocante ó seu prezo é de 48,80€ o m2 máis IVE e este está estipulado conforme a #taxación que obra no expediente, efectuada a mesma conforme as determinacións do artigo 77 da Lei 5/2011, do 30 de setembro, do patrimonio da Comunidade Autónoma de Galicia.



📲Toda a información e as #bases no taboleiro de anuncios do Concello ➡️ https://vilalba.sedelectronica.es/board



📲Enlace do anuncio no B.O.P do 12/04/2024 ➡️ https://www.deputacionlugo.gal/sites/deputacionlugo.org/files/inline-files/12-04-2024.pdf#page=41