✅ A concellería de Infraestruturas Urbanas traballa nun novo proxecto de mellora da accesibilidade e adecuación do espazo públic...

02/05/2025

✅ A concellería de Infraestruturas Urbanas traballa nun novo proxecto de mellora da accesibilidade e adecuación do espazo público no casco urbano



🌳 O proxecto céntrase na integración dun sistema de sombra na avenida da Terra Chá con plataformas elevadas nas que se plantarán pereiras silvestres e se instalarán bancos



ℹ️ A ampliación dos espazos naturais de sombra e a dotación de zonas de descanso considérase estratéxica xa que na actualidade a rúa “conta con tramos de varios centos de metros, incluso con pendente medias, sen espazos de descanso á sombra, o que xera barreiras de accesibilidade a moitos usuarios”



🏗️ Unha situación que se solucionará mediante unha serie de actuacións que incluirán:



1️⃣ O recorte do pavimento existente e a apertura de alcorques

2️⃣ A colocación dun sistema de recollida de auga

3️⃣ A colocación dun muro perimetral de suxeición en cada plataforma

4️⃣ A creación de zonas elevadas con céspede e o recheo con terra

5️⃣ A plantación de pereiras silvestres

6️⃣ A colocación de asentos de madeira sobre a superficie central das plataformas



🗣️ “O proxecto conta cun orzamento de 45.888 euros dos cales o 80% será subvencionado pola Consellería de Medio Ambiente a través dunha liña de axudas de concorrencia non competitiva á que presentamos o proxecto en tempo e forma para poder conseguilo”, explicou a alcaldesa, Marta Rouco



🤝 Finalmente, Rouco salientou “a constante aposta do goberno local pola mellora da accesibilidade, a funcionalidade e a estética do municipio, que confirmamos con este proxecto que se suma a outros como a renovación da rúa Benxamín Paz ou do tramo bidireccional da rúa Guitiriz”



#alcaldia #infraestruturasurbanas #avenidaterracha #proxecto #concellodevilalba